物質生活:為咗洗乾淨塊面,你可以去到幾盡?

用了 Clarisonic Mia(聲波深徹淨膚儀)都差不多一年,坦白說又不太感覺皮膚好咗好多;當初買時期望塊面用完會變無瑕嘛…… 不過連失望都來不及時,另一隻洗面機品牌已經冒起咗。

Foreo(淨透舒緩潔面儀)應該大家都知道吧,而且又不用換擦頭又加有 anti-aging 效果。嗯,即管說俺後知後覺好了。已經買了一部 Clarisonic 唔通唔用咩。

無錯,因為唔係太好用的關係,現在已經被我閒置好久了啦。而本來買來備用替換那些擦頭都已經束之高閣(而且我仲係一次過買了廿幾個……),唯有認敗家囉。看得出自己當時都幾 desperate,哈哈。假如閣下跟俺持相反意見認為 Clarisonic 好好用,又唔介意接收,俺好樂意 give away(!!!!)。

廢話講完,入正題。講了好耐話要買多部洗面機,決定去買部 Foreo 時,就發現— 咦?!又出咗新版了。女人,究竟在時日裡追趕到些甚麼呢……?

新版似乎又多了些少 function,型號名,多了個「Pro」字。應該會比原先出果部再 pro 啲?價格又跳一跳是無可避免啦。真心希望今次這個新版會好用。大家估吓下一個版本又會叫咩名~~ Ex-pro、pro-X,定 ultimate pro?

不得不提這個開心大發現 ↓

image

大家看到吧,這個鑲金的 LUXE version 索價港幣七萬七。男人用那部,是 10 萬。唔知用完佢來洗面係唔係會變咗全智賢吳彥祖呢?

嗯,只是 3,000 多塊就買到的 pro version,當下即時就變得抵咗?

捐助北極熊及其他瀕危動物

text | Manzi   feature photo via pixabay